५ किलो गाँजा सहित धादिङका एक जना पक्राउ

काठमाडौं । काठमाडौंको चन्द्रागिरी नगरपालिका-२ नागढुङ्गाबाट अवैध लागूऔषध गाँजाको धुलोसहित एक जना पक्राउ परेका छन् ।

पक्राउ पर्नेमा थाक्रे गाउँपालिका-३ निगाले बस्ने १७ वर्षीय किशोर रहेका छन् ।

शुक्रबार बिहान लागूऔषध नियन्त्रण ब्यूरो शाखा कार्यालय नागढुङ्गा र प्रहरी प्रभाग नागढुङ्गाबाट खटिएको प्रहरीले धादिङबाट काठमाडौंतर्फ आउँदै गरेको बा-३ ख ५२७ नम्बरको बसलाई जाँच गर्ने क्रममा बसमा सवार उनलाई ५ किलो ५ सय ग्राम गाँजा सहित पक्राउ गरेको हो।

यस सम्बन्धमा प्रहरीले आवश्यक अनुसन्धान गरिरहेको प्रहरीले जनाएको छ।