खेलकुद
धादिङ। सिद्धलेक गाउँपालिका स्तरिय राष्ट्रपति रनिङ शिल्डको उपाधि महाकाली माध्यमिक विद्यालयले जितेको छ।
सिद्धलेक गाउँपालिकाको आयोजना तथा वडा नम्बर-२ स्थित खिर्रेको नलाङ पात्ले माध्यमिक विद्यालयको संयोजनमा बिद्यालय प्राङगणमा भएको पालिका स्तरिय तेस्रो राष्ट्रपति रनिङ शिल्ड प्रतियोगितामा ८ स्वर्ण सहित सिद्धलेक–७ पिपलटारको महाकाली माविले उपाधि जितेको हो । महाकालीले ८ स्वर्ण,२ रजत र ३ कास्य पदक जितेको छ।
प्रतियोगितामा नलाङ पात्लेले ४ स्वर्ण, १ रजत र ५ कास्य पदक जित्दै दोस्रो भएको छ ।
त्यस्तै ३ स्वर्ण र २ रजतसहित सुन्दरी मावि तेस्रो भएको छ । चौथो भएको सत्यवती माविले ३ स्वर्ण र १ रजत र ४ कास्य पदक जितेको छ ।
पाँचौमा सिद्धेश्वर माविले २ स्वर्ण,४ रजत र ६ कास्य पदक, छैठौंमा बाघबच्छला माविले २ स्वर्ण,१ रजत र ५ कास्य पदक, सातौमा जलेश्वरी माविले २ स्वर्ण,१ रजत र २ कास्य पदक र आठौंमा अकलालेवीले २ स्वर्ण जित्न सफल भएको छ।
यसैगरी मिन्दुका माविले १ स्वर्ण, १० रजत र ४ कास्य पदक, कालिदेवी माविले १ स्वर्ण, अमर आदर्श माविले २ रजत र २ कास्य, नलाङ माविले २ रजत,१ कास्य, नलाङ मोडेल एकेडेमीले २ रजत जित्न सफल भएको छ।
यस प्रतियोगितामा पञ्चमुखी माविले भने कुनै पदक जित्न सकेन । गत बर्ष पनि पञ्चमुखी माविले कुनै पदक जित्न सकेको थिएन ।
प्रतियोगितामा बिजयी विद्यार्थी तथा विद्यालयहरुलाई नेपाल सरकारका कृषि तथा पशुपन्छी विकास मन्त्री रामनाथ अधिकारी, सिद्धलेक गाउँपालिकाका अध्यक्ष परशुराम खतिवडा,उपाध्यक्ष सबिता अर्यालले शिल्ड,प्रमाणपत्र र मेडलद्धारा पुरस्कृत गर्नुभएको थियोे।
प्रतियोगितामा प्रथम, द्धित्तिय र तृतिय हुनेलाई क्रमश नगद ३० हजार,२५ हजार र २० हजार प्रदान गरिएको छ।
१ नीजी र १३ सरकारी गरी १४ वटा माध्यमिक विद्यालय सहभागि प्रतियोगितामा छात्र र छात्राको भलिबल, कबड्डी, र एथ्लेटिक्सका विभिन्न बिधामा प्रतिस्पर्धा गराईएको थियो ।
जसमा भलिबल तर्फ पुरुषको १३, महिलाको ११ टिम सहभागी थिए भने कबड्डी तर्फ महिला र पुरुषको १०/१० टिम र अन्य बिधामा १४ वटै बिद्यालय सहभागी थिए ।
गाउँपालिकाका अध्यक्ष खतिवडाको अध्यक्षता तथा कृषि तथा पशुपन्छी विकास मन्त्री अधिकारीको प्रमुख आतिथ्यता भएको समापन समारोहमा गाउँपालिका उपाध्यक्ष अर्याल,प्रमुख जिल्ला अधिकारी सुमन घिमिरे, वडा नं २ का वडाध्यक्ष शम्भु गुरुङ (सागर), वडा नम्बर ३ का वडाध्यक्ष देव बहादुर पुलामी, कार्यपालिका सदस्य, वडासदस्यहरु, विभिन्न राजनीतिक दलका प्रतिनिधि लगाएतको उपस्थिती रहेको थियो ।
कार्यक्रममा कृषि तथा पशुपन्छी विकास मन्त्री अधिकारीले प्रतियोगितामा सहभागी खेलाडीहरुले उच्च मनोबलका साथ खेलेको भन्दै प्रशंशा गर्नुभयो । उहाँले उपाधि जित्नेलाई बधाई दिदै नजित्ने खेलाडीलाई निराश नहुन र आगामी दिनमा अझै प्रगती गर्न आग्रह गर्नुभयो ।
यस्तै गाउँपालिका अध्यक्ष खतिवडाले गाउँपालिकाले खेलकुदको विकासको आधार तयार गर्न काम थालिसकेको र आफ्नो कार्यकालमा सम्झनलायक काम गर्न योजनावद्ध तरिकाले अगाडी बढिरहेको बताउनुभयो ।उहाँले सहभागी बिद्यालय र विद्यार्थीलाई बधाई तथा धन्यबाद दिदै आगामी बर्ष चौथो राष्ट्रपति रनिङ शिल्ड प्रतियोगिता सिद्धलेक–७ पिपलटारको महाकाली माविमा गर्ने घोषणा गर्नुभएको छ।
साथै उहाँले विद्यार्थी भाई बहिनी तथा शिक्षक शिक्षिकाहरुको थकान तथा सरसफाइ लाई मध्यनजर गर्दै आज १ दिनको लागि विद्यालयहरुमा सार्वजनिक विदा भएको बताउनुभयो ।
शुक्रबारबाट सुरु भएको प्रतियोगिता आईतबार सम्पन्न भएको हो ।
प्रतियोगिताको शुक्रबार गाउँपालिका अध्यक्ष खतिवडाले उद्घाटन गर्नुभएको थियो। प्रतियोगितामा सहभागी सम्पूर्ण खेलाडीलाई गाउँपालिकाले ड्रेस वितरण गरेको थियो।
गत वर्ष २०८० मा सिद्धलेक–३ डुमीडाँडाको अमरआदर्श माविमा भएको रनिङ शिल्डमा मिन्दुका मावि प्रथम, सत्यवती मावि दोस्रो र नलाङ पात्ले मावि तेस्रो भएको थियो।
१३ सरकारी र १ निजी गरी १४ वटा माध्यमिक विद्यालय सहभागी प्रतियोगितामा कुन विद्यालयले कति पदक जिते ?
-महाकाली मावि ८ स्वर्ण,२ रजत र ३ कास्य पदक
-नलाङ पात्ले ४ स्वर्ण, १ रजत र ५ कास्य पदक
-सुन्दरी मावि ३ स्वर्ण र २ रजत पदक
-सत्यवती मावि ३ स्वर्ण र १ रजत र ४ कास्य पदक
-सिद्धेश्वर मावि २ स्वर्ण,४ रजत र ६ कास्य पदक
-बाघबच्छला मावि २ स्वर्ण,१ रजत र ५ कास्य पदक
-जलेश्वरी मावि २ स्वर्ण,१ रजत र २ कास्य पदक
-अकलालेवीे २ स्वर्ण पदक
-मिन्दुका मावि १ स्वर्ण, १० रजत र ४ कास्य पदक
-कालिदेवी मावि १ स्वर्ण पदक
-अमर आदर्श मावि २ रजत र २ कास्य पदक
-नलाङ माविले २ रजत,१ कास्य पदक
-नलाङ मोडेल एकेडेमी २ रजत
र पञ्चमुखी मावि ०
तस्विरको लागि तलको लिंक क्लिक गर्नुहोस्
आर आर मिडिया हाउसद्वारा संचालित
बागमती कलम डट कम (bagmatikalam.com)
मुख्य कार्यालय : सिद्धलेक गा.पा.-२, धादिङ
सम्पर्क कार्यालय : नीलकण्ठ न.पा.-३, धादिङबेसी,धादिङ
ईमेल: [email protected]
सम्पर्क फोन- ९८६६०७७७९९, ९८६०७२७११२
सञ्चार रजिष्ट्रारको कार्यालय,वागमती प्रदेश द.नं :
००१५८-२०७९/०८०
सूचना विभाग दर्ता नम्बर: ३७१९-२०७९/०८०
प्रेस काउन्सिल दर्ता न: ३७०७
| संचालक तथा सम्पादक: | अनिल कुमार नेपाली |
| सह सम्पादक: | प्रकाश अछामी | कार्यक्रारी सम्पादक: | बिनोद तमु |
| ब्यबस्थापक: | |
| कानूनी सल्लाहकार: | |
| बजार ब्यबस्थापक: |
