सुशीला कार्कीलाई अन्तरिम सरकारको प्रधानमन्त्रीमा नियुक्त गर्ने सहमति

काठमाण्डौ । सुशीला कार्कीलाई अन्तरिम सरकारको प्रधानमन्त्रीमा नियुक्त गर्ने सहमति भएको छ ।

राष्ट्रपति कार्यालय शीतल निवासमा भएको जेन(जी समूहका प्रतिनिधि, राष्ट्रपति रामचन्द्र पौडेल र सुशीला कार्कीका साथै कानूनविद्हरू सहभागी छलफलमा सहमति जुटेको हो।

जेन-जीको माग अनुसार संसद् विघटन गरी पूर्वप्रधानन्यायाधीश समेत रहनुभएका कार्कीलाई प्रधानमन्त्रीमा नियुक्त गर्ने सहमति जुटेको राष्ट्रपतिका प्रेस सल्लाहकार किरण पोखरेलले बताउनुभयो ।

आजै राति ९ बजे पूर्वप्रधानन्यायाधीश कार्कीले अन्तरिम सरकारको प्रधानमन्त्रीका रूपमा शपथ ग्रहण गर्नुहुने छ ।

शपथलगत्तै मन्त्रिपरिषद् गठन हुने भएको छ ।

जेन-जी आन्दोलन चर्केपछि गएको मङ्गलवार केपी शर्मा ओलीले प्रधानमन्त्री पदबाट राजीनामा दिनुभएको थियो ।