त्रिदेशीय मैत्रीपूर्ण महिला फुटबल : नेपालले आज इरानसँग खेल्दै

काठमाण्डौ । त्रिदेशीय अन्तर्राष्ट्रिय मैत्रीपूर्ण फुटबलमा नेपाली महिला टोलीले आज इरानसँग खेल्दैछ । खेल बेलुका सवा ६ बजे भारतको शिलोङमा रहेको जवाहरलाल नेहरु रङ्गशालामा शुरू हुनेछ ।

इरान र भारतसँगको त्रिदेशीय अन्तर्राष्ट्रिय मैत्रीपूर्ण खेलका लागि नेपाली राष्ट्रिय महिला टोली अस्ति बुधवार भारत प्रस्थान गरेको हो । नेपालले यहि कात्तिक १० गते भारतसँग खेल्नेछ ।

यो खेल पनि शिलोङको जवाहरलाल नेहरु रङ्गशालामा नै हुनेछ ।

त्यसपछि नेपालले कात्तिक १३ गते भारतसँग मैत्रीपूर्ण फुटबल खेल्ने एन्फाले जनाएको छ । यो खेल फिफा विन्डो अन्तर्गत नभएकाले अन्तर्राष्ट्रिय मान्यता पाउने छैन ।

फिफा वरीयतामा नेपाल ८९औं स्थानमा छ । यस्तै भारत ६३ औं र इरान ७०औं स्थानमा छ । तस्वीर : एन्फा