नीतिगत सुधार र सुशासनको एजेन्डासहित मतदातासँग उम्मेदवार पाण्डे

धादिङ । धादिङ-१ मा प्रतिनिधिसभा सदस्यका उम्मेदवार नेपाली कम्युनिस्ट पार्टीका राजेन्द्र प्रसाद पाण्डेले नीतिगत सुधार, सुशासन र दिगो विकासलाई मुख्य एजेन्डा बनाउदै मतदाता भेटघाटमा रहनुभएको छ ।

गजुरी गाउँपालिकाका विभिन्न वडामा आयोजित घरदैलो कार्यक्रममा उनले प्रशासनिक जटिलता, ढिलासुस्ती र भ्रष्टाचार अन्त्यका लागि कानूनी तथा नीतिगत हस्तक्षेप आवश्यक रहेको बताउनुभयो ।

पाण्डेले सडक, विद्युत, शिक्षा र स्वास्थ्य पूर्वाधार सुधारका लागि प्रदेश तथा स्थानीय सरकारसँग समन्वय गर्ने योजना सार्वजनिक गर्दै कृषि तथा दुग्धजन्य उत्पादनको वैज्ञानिक प्रशोधन र बजारीकरणमा जोड दिनुभयो ।

विदेश पलायन रोक्न देशमै अवसर सिर्जना गर्नुपर्ने उल्लेख गर्दै उनले सुशासन, समावेशिता, धर्मनिरपेक्षता र संघीयताको पक्षमा दृढ रहने प्रतिबद्धता व्यक्त गर्नुभएको छ ।