उत्तरी धादिङको लापामा कांग्रेस उम्मेदवार रमेश धमला

धादिङ । नेपाली कांग्रेसका उम्मेदवार रमेश धमला धादिङ-२ अन्तर्गत रुवीभ्याली गाउँपालिका-५ लापामा मतदाता भेटघाटमा व्यस्त हुनुहुन्छ ।

उम्मेदवार धमलालाई लापामा स्थानीयले स्वागत गरेका हुन्।

कार्यक्रममा विभिन्न टोल–बस्तीबाट उल्लेख्य संख्यामा सर्वसाधारणको सहभागिता रहेको थियो स्वागत कार्यक्रममा स्थानीयवासीले उम्मेदवार धमलासँग प्रत्यक्ष भेटघाट गर्दै क्षेत्रका मुख्य समस्या, पूर्वाधार अभाव, शिक्षा, स्वास्थ्य तथा रोजगारीका विषयमा आफ्ना धारणा राखेका थिए भने विशेष गरी सडक, सञ्चार, खानेपानी र कृषिसँग सम्बन्धित समस्याको समाधानमा ध्यान दिन आग्रह गरेका थिए।

कार्यक्रमलाई सम्बोधन गर्दै उम्मेदवार धमलाले स्थानीय विकासलाई पहिलो प्राथमिकतामा राखेर काम गर्ने प्रतिबद्धता व्यक्त गर्नुभयो ।

उहाँले दुर्गम उत्तरी क्षेत्रको समग्र विकास, आधारभूत पूर्वाधार विस्तार र जनजीविकामा सुधार ल्याउने योजनाका साथ अघि बढ्ने बताउनुभयो ।