चौतारा र गैरामा नेकपा उम्मेदवार भण्डारीलाई स्थानीयको भव्य स्वागत

धादिङ । नेपाली कम्युनिष्ट पार्टी (नेकपा) धादिङ-२ का उम्मेदवार रामबहादुर भण्डारीलाई नेत्रावती डबजोङ गाउँपालिका वडा नम्बर २ ताङजोमाने र वडा नम्बर ३ का चौतारा तथा गैरा गाउँका स्थानीयले भव्य स्वागत गरेका छन् ।

मतदातासँगको भेटघाटमा भण्डारीले जनताको मागअनुसार ऐन–कानुन निर्माण र नीतिगत सुधारलाई पहिलो प्राथमिकता दिने प्रतिबद्धता जनाउनुभयो ।

उहाँले विशेषगरी जनयुद्धकालीन आधार इलाका सेमजोङको शिक्षा, स्वास्थ्य, सडक र रोजगारी क्षेत्रमा विकासलाई जोड दिँदै “सेमजोङलाई अब समृद्धिको आधार इलाका बनाउने जिम्मेवारी हाम्रो हो” उहाँले भन्नुभयो ।

कार्यक्रममा स्थानीयले सडक स्तरोन्नति, खानेपानी, कृषि बजारीकरण र युवाका लागि रोजगारी सिर्जनामा ध्यान दिन आग्रह गरेका थिए ।