धादिङमा ट्रकको ठक्करबाट मोटरसाइकल चालकको मृत्यु

धादिङ । धादिङको थाक्रे गाउँपालिका-२ सिम्लेमा ट्रकको ठक्करबाट मोटरसाइकल चालकको मृत्यु भएको छ।

भैरहवाबाट काठमाडौंतर्फ आउँदै गरेको ना ३ ख ४९५५ नम्बरको डिब्बा ट्रकले विपरीत दिशातर्फ गइरहेको बागमती प्रदेश ०२–०३१ प ०५७६ नम्बरको मोटरसाइकललाई ठक्कर दिएको प्रहरीले जनाएको छ।

दुर्घटनामा गम्भीर घाइते भएका मोटरसाइकल चालक गोरखा नगरपालिका-७ का २५ वर्षीय आदर्श श्रेष्ठलाई उपचारका लागि काठमाडौं पठाइएको थियो।

उपचारकै क्रममा कलंकीस्थित नेपाल नेशनल अस्पतालमा उनको मृत्यु भएको जिल्ला प्रहरी कार्यालय धादिङले जनाएको छ।

घटनापछि ट्रक चालक गजुरी गाउँपालिका-६ बन्छेटारका ५५ वर्षीय पशुराम मगरलाई नियन्त्रणमा लिइ थप अनुसन्धान भइरहेको प्रहरीले जनाएको छ।