लागूऔषध गाँजा र पोलेनसहित दुई जना पक्राउ

काठमाडौं । नागार्जुन नगरपालिका-८ भिमढुङ्गाबाट अवैध लागूऔषध ५ किलोग्राम गाँजाको धुलो र ८ किलोग्राम पोलेन सहित २ जनालाई प्रहरीले पक्राउ गरेको छ ।

पक्राउ पर्नेहरूमा काठमाडौं महानगरपालिका-३ छकडोल बस्ने गोरखा भिमसेनथापा गाउँपालिका(१ घर भएका २७ वर्षीय रपेन्द्र श्रेष्ठ र धादिङ गजुरी गाउँपालिका-८ घर भएकी ३४ वर्षीय अमृता तामाङ रहेका छन् ।

प्रहरी चौकी भिमढुङ्गा समेतबाट खटिएको प्रहरीले मंगलबार दिउँसो बा।३४ प ८४०९ नम्बरको मोटरसाइकलमा सवार उनीहरूलाई उक्त लागूऔषध सहित पक्राउ गरेको हो ।

यस सम्बन्धमा आवश्यक अनुसन्धान भईरहेको प्रहरीले जनाएको छ ।