गल्छीमा बसको ठक्करबाट मोटरसाइकल चालकको मृत्यु,एक घाईते

अडियोमा सुन्नुहोस

धादिङ,१० कात्तिक।
धादिङको गल्छी गाउँपालिका ७ मा गएराति बसको ठक्करबाट मोटरसाइकल चालकको मृत्यु भएको छ भने एक जना घाईते भएका छन् ।

काठमाडौंबाट लहान जाँदै गरेको बागमती प्रदेश ०३–००१ ख ०७२२ नम्बरको बसले सोही दिशातर्फ जाँदै गरेको बा ९२ प २३ ६९ नम्बरको मोटरसाइकललाई ठक्कर दिदाँ थाक्रे गाउँपालिका ११ बस्ने २५ वर्षीय सुनिल थापाको मृत्यु भएको हो।

गम्भीर घाइते भएका थापाको उपचारका लागि अस्पताल गल्छी लैजादै गर्दा बाटोमै मृत्यु भएको प्रहरीले जनाएको छ । घाईते भएका मोटरसाइकलमा पछाडि सवार ३४ वर्षीय रमेश लामाको सोही अस्पतालमै उपचार भइरहेको प्रहरीले जनाएको छ ।

दुर्घटनापछि आक्रोशित स्थानीयबासिन्दाले बसमा आगजनीसमेत गरेका थिए । आगजनीबाट बस पूर्णरुपमा क्षतिग्रस्त भएको छ । बसको आगोप्रहरी र धुनिबेशी नगरपालिकाको दमकलको सहयोगमा  निभाइएको थियो ।