व्यवस्थित योजना सहित निति बनाएर विस्थापित नागरिकको बस्ती विकास गर्ने घलेको प्रतिवद्धता

धादिङ । नेकपा एमाले धादिङ-२ का उम्मेदवार धनबहादुर घले सल्यानटारका विभिन्न बस्तीहरुमा मतदाताहरुसंग भेटघाटमा ब्यस्त हुनुहुन्छ ।

फागुन २१ मा हुने प्रतिनिधिसभा निर्वाचनको लागि त्रिपुरासुन्दरी गाउँपालिका-२ को सल्यानटारका विभिन्न बस्तीहरुमा मतदाताहरुसंग भेटघाट गरिरहनुभएको छ ।

मतदातासंगत भेट्दै उम्मेदवार घलेले बुढी गडीगण्डकी जलविद्युत परियोजनाबाट विस्थापित नागरिकको बस्ती विकास, सडक खानेपानी र शिक्षाको व्यवस्थित योजना सहित निति बनाएर विकास गर्ने प्रतिवद्धता व्यक्त गर्नुभएको छ ।

उहाँले सल्यानटारमा रहेको प्राथमिक स्वास्थ्य केन्द्रलाई स्तरउन्नती गर्दै सुबिधासम्पन्न अस्पताल बनाउन पहल गर्ने बताउनुभयो ।

साथै बुढीगण्डकी जलविद्युत परियोजना तत्काल सुरु गर्न दवाव दिने, परियोजनाबाट विस्थापित नागरिकको पुनस्थापना, बस्ती विकास गर्ने योजनामा दवाव दिने उम्मेदवार घलेले मतदातासंग प्रतिवद्धता गर्नुभयो ।

घलेले सोमबार त्रिपुरासुन्दरी गाउँपालिका वडा नम्बर २ को सल्यानटार स्थित छापगाउ, बेलगाउँ, बौसा गाउँ, ठूलो गाउँ, सानागाउँ, देबिथान, सिकटार लगायतका स्थानहरुका मतदाताहरु भेट्दै गुनासो, सुझाव संकलन तथा छलफल गर्दै प्रतिवद्धताहरु व्यक्त गर्नुभएको छ ।