धादिङको समृद्धिको खाका बनाउने योजनामा लागि परेको रास्वपा उम्मेदवार श्रेष्ठको भनाई

धादिङ- रास्वपा उम्मेदवार बोध नारायण श्रेष्ठले धादिङको विकासको दिर्घकालिन योजना बनाउन लागि परेको बताउनुभएको छ।

सोमबार बिहान आयोजित पत्रकार सम्मेलनमा श्रेष्ठले आफ्नो प्रतिवद्धता पत्रमार्फत हालसम्म जिल्लाको २० वर्षे रणनीति तयार नभएको र योजनाबद्ध विकास नभएको उल्लेख गर्नुभयो।

श्रेष्ठले सामाजिक सुरक्षा कार्यक्रम नागरिकले सेवा पाउनेगरि परिमार्जन गर्नुपर्ने, कृषि पर्यटनको विकास र विकासलाई सहजीकरण गर्ने योजनामा आफू रहेको बताउनुभयो ।

रिसर्च र इनोभेशनलाई अबलम्बन गरेर विकासका काम गर्ने निति बनाउन आफूले जनताको मत पाउने उल्लेख गर्दै सुसंस्कृत राजनीति गरेर जनताको गुनासो र प्रश्न बुझ्दै गाउँगाउँ पुगेको श्रेष्ठको भनाइ छ ।

पत्रकार सम्मेलनमा रास्वपा उम्मेदवार श्रेष्ठ, चुनाव परिचालन समितिका संयोजक डा. कृष्णमान शाक्य लगायतका रास्वपाका नेताहरु कार्यक्रममा सहभागि हुनुभएको थियो ।

रास्वपाले त्रिपुरासुन्दरी, ज्वालामूखी, नीलकण्ठ, गंगाजमुना लगायतका स्थानमा मतदाता भेटघाट कार्यक्रम गरीरहेको छ ।