गाउँटोलमा मतदातासँग एमाले उम्मेदवार घले : कृषक, युवा र महिलामैत्री कार्यक्रमको प्रतिबद्धता

धादिङ । नेपाल कम्युनिष्ट पार्टी नेकपा (एमाले) धादिङ-२ का प्रतिनिधिसभा उम्मेदवार धनबहादुर घलेले गाउँ-टोल केन्द्रित घरदैलो अभियानलाई तीव्रता दिनुभएको छ ।

घरदैलोका क्रममा मंगलबार त्रिपुरासुन्दरी गाउँपालिकाको वडा नं ३, ४, ५ र ६ का बस्ती बस्तीमा पुगेर कृषकहरूको संरक्षण, युवा पुस्ताका जायज माग पूरा गर्ने तथा महिलाहरूको विकासका लागि कानुन निर्माणमा पहल गर्ने प्रतिबद्धता व्यक्त गर्नुभएको छ ।

अभियानकै क्रममा त्रिपुरासुन्दरी गाउँपालिका वडा नम्बर ५ को लाहेका स्थानीयवासीहरूले उम्मेदवार घलेलाई मागपत्र बुझाएका छन् । मागपत्रमा पक्की सडक निर्माण, खानेपानी लिफ्टिङ प्रणाली जडान तथा सिँचाइको उचित व्यवस्था गर्नुपर्ने माग उल्लेख गरिएको छ ।

मागपत्र बुझ्दै उम्मेदवार घलेले ती सबै विषयलाई प्राथमिकतामा राखी बजेट ल्याउन पहल गर्ने र निर्वाचित भएपछि विकासका कामलाई योजनाबद्ध रूपमा अघि बढाउने बताउनुभयो ।

स्थानीयहरूले विकासका ठोस काम र दिर्घकालीन समाधान अपेक्षा गरेको भन्दै उम्मेदवार घलेले जनताको आवाजलाई संसदसम्म पु¥याउने प्रतिबद्धता जनाउनुभयो ।