कृषि, रोजगार र पर्यटन विकास एमालेको मूल मन्त्र हो : उम्मेदवार त्रिपाठी

धादिङ । धादिङ क्षेत्र नम्बर १ को नेकपा एमालेका उम्मेदवार भूमि त्रिपाठीले आफू निर्वाचित भएपछि धादिङ जिल्लालाई कृषि हबको रुपमा विकास गर्न योजना बनाइने बताउनुभएको छ ।

मतदाता भेट्दै घरदैलो अभियानमा गल्छी गाउँपालिका वडा नम्बर ५ सिरुवानी, रैले, सागिने, पाल्चोक, दागार्चा, बायुगाउँ, टुक्टिङ, झाँक्रीटोल लगायतका स्थानहरुमा पुग्नुधएको एमाले उम्मेदवार त्रिपाठीले कृषिको व्यवसायिक विकास, किसानका उत्पादन लैजाने व्यवस्था एमालेले गर्दै आएको भन्दै आगामी दिनमा पनि कृषि, रोजगार, पर्यटन र विकासका लागि एमालेले काम गर्ने बताउनुभयो ।

पाल्चोक, सिरुवानी रैलेसम्म सडक पक्की बनाउने, पर्यटकीय क्षेत्रको विकासमा सघाउने, रोजगारीको क्षेत्रमा विशेष योजना बनाएर गाउँमा योजनाबध्द रुपमा कार्यक्रम ल्याउने पनि बताउनुभयो ।

मतदाताले गाउँगाउँ पुग्दा एमालेमाथी विस्वास रहेकोले गाउँगाउँमा आवश्यकता र समस्या तथा गुनासोहरु समेत गरेका छन् ।

नागरिकको गुनासो सम्बोधन गर्न एमाले मात्रले गर्ने उम्मेदवार त्रिपाठीको भनाइ छ ।