नेकपा उम्मेदवार भण्डारीले फागुन १५ र १६ गते नेत्रावतीका मतदातासँग संवाद गर्ने

धादिङ । नेपाल कम्युनिस्ट पार्टी धादिङ क्षेत्र नम्बर २ का उम्मेदवार रामबहादुर भण्डारीले चुनावी अभियानलाई तीव्रता दिनुभएको छ ।

उहाँले आगामी फागुन १५ र १६ गते नेत्रावती डबजोङ गाउँपालिकाका विभिन्न स्थानमा मतदातासँग प्रत्यक्ष भेटघाट तथा संवाद गर्ने कार्यक्रम सार्वजनिक भएको छ।

पार्टीका अनुसार १५ गते बिहान ८ बजे किन्ताङ फेदीबाट सुरु हुने कार्यक्रम अन्तर्गत शिव मन्दिर, सापटारी, चापकुना, पन्तटार, राम्चे, निमार्चोक, लामीडाँडा, पोल्चेत, थला धारापानी, मार्पाक, पोखरा, ताङजोमाने, धाराधिरी, केउरा, माउत, टिकाढुङ, सेमजोङ, चौतारा र गैरा लगायतका स्थानमा छलफल गरिनेछ।

त्यसैगरी १६ गते वडा नम्बर ४ र ५ मा घरदैलो कार्यक्रम तय गरिएको छ।

स्थानीय विकास, पूर्वाधार विस्तार, खानेपानी, कृषि, पर्यटन र सडक सुधारलाई प्राथमिकतामा राख्दै मतदातासँग समर्थन माग्ने पार्टीले जनाएको छ।

उम्मेदवार भण्डारीले टोलस्तरको भेटघाटमार्फत आफ्ना एजेन्डा प्रस्तुत गर्ने तयारी गरिएको सचिवालयले जानकारी दिएको छ।