धादिङ-१ मा रास्वपा उम्मेदवार तामाङको अग्रता कायमै

धादिङ । धादिङ निर्वाचन क्षेत्र नम्बर-१ को पछिल्लो मत गणना सार्वजनिक भएको छ ।

पछिल्लो अपडेट गल्छी गाउँपालिका र थाक्रे गाउँपालिका वडा नं १ र वडा नं ११ को गरी करिब १६ हजार मत गणना हुँदा रास्वपा उम्मेदवार आशिका तामाङले अग्रता कायम राख्नुभएको छ ।

पछिल्लो मतपरिणाम अनुसार यो समाचार तयार पार्दासम्म रास्वपाकी आशिका तामाङ (घण्टी) ले ७ हजार ३३० मत प्राप्त गर्दै अग्रतामा रहनुभएको छ ।

उहाँको निकटतम प्रतिस्पर्धी नेकपा एमालेका भूमि त्रिपाठी (सूर्य) ले ३ हजार ३८२ मत प्राप्त गर्नुभएको छ ।

त्यसैगरी नेकपाका राजेन्द्र प्रसाद पाण्डे (तारा) ले १ हजार ७८६ मत प्राप्त गर्दा काँग्रेसका कृष्ण रिजाल (रुख) ले २ हजार २७८ मत पाउनुभएको छ ।

कुल १ लाख ३६ हजार ६८६ मतदाता रहेको धादिङ क्षेत्र नं. १ मा ८५ हजार ३३३ मत खसेको निर्वाचन कार्यालय धादिङले जनाएको छ ।