वाईसीएलमा धादिङबाट सचिव सहित तीन जना केन्द्रिय समितिमा चयन

धादिङ । नेकपा माओवादी केन्द्रको भ्रातृ सङ्गठन वाईसीएलमा धादिङबाट सचिव सहित तीन जना केन्द्रिय समितिमा चयन भएका छन् ।

यसअघि नै केन्द्रिय सदस्य भईसकेका धादिङको गंगाजमुनाका सन्तोष गुरुङ केन्द्रिय सचिव चयन हुनु भएको छ । यस्तै केन्द्रिय सदस्यमा गजुरीका सन्तोष अधिकारी र नीलकण्ठका नवराज मजाकोटी चयन हुनु भएको छ ।

धादिङबाट सन्तोष अधिकारी (केन्द्रीय सदस्य, खुल्ला भूगोल) सुदिप अधिकारी (केन्द्रीय आयोग सदस्य) बनेका छन् ।वाईसीएल नेपालको अध्यक्षमा पुष्प ओली र महासचिवमा गणेश शाही निर्विरोध चयन भएका छन् ।

त्यस्तै २२ जना उपाध्यक्ष बनेका छन् । उनीहरू सबै निर्विरोध निर्वाचित भएका हुन् । १९ जना उपमहासचिव बनेका छन् । त्यस्तै ३१ जना सचिव बनेका छन् भने एक जना कोषाध्यक्ष बनेका छन् ।