धादिङबेसीमा भोलिदेखी कबड्डी सुपर लिग सुरु हुँदै

धादिङ । धादिङबेसीमा भोलि शनिबारदेखी कबड्डी सुपर लिग सुरु हुँदैछ ।

धादिङ टाईटन्सको आयोजनामा भोलि देखी सुरु हुने जिल्ला स्तरीय कबड्डी सुपर लिगमा ६ टिम सहभागी हुने भएका छन् ।

जसमा आयोजकको २ टिम, विल्केश्वर युवा क्लबको २ टिम, थाक्रे र सुनौलो भैरवी गरी ६ टिम सहभागी हुने आयोजक धादिङ टाईटन्सका अध्यक्ष काजी श्रेष्ठले बागमती कलमलाई जानकारी दिनुभयो ।

प्रतियोगीतामा प्रथम हुने टिमले ३० हजार, द्वितीय हुनेले २० हजार र तृतीय हुनेले १० हजार पुरस्कार नगद सहित मेडल र प्रमाण पत्र प्राप्त गर्ने छन् ।

साथै उत्कृष्ट खेलाडी‚ उत्कृष्ट रेडर‚ उत्कृष्ट डिफेन्डर‚ उत्कृष्ट अलराउन्डर र उदयमान खेलाडीहरूलाई पुरस्कार व्यवस्था गरिएको आयोजकले जनाएको छ ।

सदरमुकाम धादिङबेशी स्थित कर्भड हलमा हुने प्रतियोगिता ठिक १२ बजे उद्घाटन् हुने टाईटन्सका अध्यक्ष श्रेष्ठले बताउनुभयो।