युरोकपको उपाधि स्पेनले जित्यो

युरोकपको उपाधि स्पेनले जितेको छ । गएराति सम्पन्न फाइनल खेलमा स्पेनले इङल्याण्डलाई २(१ गोल अन्तरले पराजित गर्दै उपाधी हात पारेको हो ।

स्पेनको जितमा निको विलियम्स र मिकेल ओयारजाबालले एक एक गोल गरेका थिए । विलियम्सले खेलको ४७औ मिनेट र मिकेलले ८६औँ मिनेटमा गोल गरेका थिए ।

त्यस्तै इङल्याण्डका लागि एक गोल कोल पाल्मरले खेलको ७३औं मिनेटमा गोल गरेका थिए ।

योसहित स्पेनले सबैभन्दा बढी चौथो पटक युरोकपको उपाधि जितेको छ । स्पेनले यस अघि १९६४, २००८ र २०१२ मा युरोकपको उपाधि जितेको थियो ।