काभा महिला भलिबल : उपाधिका लागि आज नेपालले र भारतसँग खेल्ने

काभा महिला भलिबल लिगको उपाधिका लागि आज नेपाल र भारत खेल्दैछन् ।

खेल काठमाण्डौको त्रिपुरेश्वरमा रहेको राष्ट्रिय खेलकुद परिषद्को कभर्डहलमा बेलुका पाँच बजे शुरु हुनेछ ।

यसअघि हिजो भएको खेलमा इरानलाई हराउँदै नेपाल फाइनलमा पुगेको हो । नेपालले इरानलाई ३–० को सोझो सेटमा हरायो । योसँगै नेपालले लिग चरणमा इरानसँग बेहोरेको हारको बदला लिएको छ ।

लिग चरणमा नेपाल इरानसँग ३–२ को सेटमा पराजित भएको थियो ।

हिजो भएको पहिलो सेमिफाइनलमा श्रीलङ्कालाई ३–० को सोझो सेटमा हराउँदै भारत फाइनलमा पुगेको थियो । लिग चरणमा नेपालले भारतलाई हराउँदै ऐतिहासिक उपलब्धि हासिल गरेको थियो ।