एनपीएलमा आज जनकपुरसँग लुम्बिनी र सुदूरपश्चिमसँग चितवन खेल्दै

काठमाण्डौ । नेपाल प्रिमियर लिग (एनपीएल) क्रिकेटमा आज पनि दुईवटा खेल हुँदैछन् ।

पहिलो बिहान नौ बजे जनकपुर बोल्ट्स र लुम्बिनी लायन्स खेल्दैछन् भने दोस्रो खेल दिउँसो एक बजे सुदूरपश्चिम रोयल्स र चितवन राइनोज खेल्दैछन् ।

जनकपुर तीन खेलमा ६ अङ्कसहित तालिकाको दोस्रो स्थानमा छ ।

समान तीन खेलमा पराजित लुम्बिनी तालिकाको पुछारमा छ ।

तीनवटै खेल जितेको सुदूरपश्चिम तालिकाको शीर्ष स्थानमा र तीन मध्य दुई खेल जितेको चितवन तालिकाको तेस्रो स्थानमा छ ।

एनपीएलमा हिजो भएको खेलमा कर्णाली याक्सले विराटनगर किङ्ग्सलाई ७ रनले पराजित गर्‍यो भने सुदूरपश्चिम रोयल्सले लुम्बिनी लायन्सलाई ४५ रनले हराएको थियो ।