एनपीएल : आज पोखरासँग र काठमाण्डौ तथा चितवनसँग जनकपुर खेल्दै

काठमाण्डौ । नेपाल प्रिमियर लिग (एनपीएल) क्रिकेटमा आज पनि दुई वटा खेल हुँदैछन् ।

पहिलो खेल बिहान ९ बजे पोखरा एभेन्जर्स र काठमाण्डौ गुर्खाज तथा दोस्रो खेल दिउँसो १ बजे चितवन राइनोज र जनकपुर बोल्ट्स बिच हुने छ ।

जनकपुर बोल्ट्स एक खेलअघि नै क्वालिफायरमा पुगिसकेको छ ।

आज खेल्ने अरू तीन वटा टोलीको पनि क्वालिफायर पुग्ने गणितीय सम्भावना कायमै छ ।

चितवन ६ खेलमा ६ अङ्कसहित चौथो स्थानमा छ ।

काठमाण्डौ ५ खेलमा ४ अङ्कसहित छैटौं तथा समान अङ्कसहित पोखरा सातौं स्थानमा छ।