धादिङबेशीमा ६१ जनाले गरे रक्तदान

धादिङ । सदरमुकाम धादिङबेशीमा ६१ जनाले रक्तदान गरेका छन् ।

सहारा महिला बचत तथा ऋण सहकारी संस्थाको २५ औँ स्थापना दिवसको अवसरमा भएको रक्तदान कार्यक्रममा २५ महिला र ३६ पुरुष गरी ६१ जना रक्तदान गरेका नेपाल रेडक्रस सोसाइटी धादिङका कोषाध्यक्ष नारायण कुमार श्रेष्ठले बागमती कलमलाई जानकारी दिनुभयो।

साकोषको आयोजनामा संस्थाको कार्यालय परिसरमा भएको रक्तदान कार्यक्रममा रक्त सञ्चार सेवा केन्द्र धादिङको प्राविधिक सहयोग रहेको थियो ।