एसईईका लागि परीक्षा आवेदन फाराम खुल्यो,माघ १२ भित्र भर्न आग्रह

काठमाण्डौ । परीक्षा नियन्त्रण कार्यालयले माध्यमिक शिक्षा परीक्षा (एसईई) को परीक्षा आवेदन फारम खुलाएको छ।

शुक्रबार नियन्त्रण कार्यालयले सूचना निकालेर माघ १२ गते भित्र पाँच सय रुपैयाँ परीक्षा दस्तुरसहित आवेदन फाराम भर्न आग्रह गरेको छ ।

सम्बन्धित शिक्षा विकास निर्देशनालयहरूले विद्यार्थीहरूको परीक्षा आवेदन फाराम भराउने तथा परीक्षा केन्द्र कायम गर्ने लगायतका काममा सम्बन्धित प्रदेश अन्तर्गतका शिक्षा विकास तथा समन्वय इकाईहरूलाई सहजीकरण गर्ने व्यवस्था मिलाउन पनि सूचनामा भनिएको छ।

यस वर्षको एसईई चैत ७ गतेदेखि सुरु हुँदैछ।एसईईको नतिजा २०८२ असार ६ गतेभित्र प्रकाशित गर्नेगरी यसअघि नै कार्यतालिका सार्वजनिक भइसकेको छ।