आयाम इङलिस स्कुलमा विद्यार्थीहरूको पूजा आराधना (तस्बिरहरू)

धादिङ । सिद्धलेक गाउँपालिका १ स्थित नलाङ बैरेनीमा रहेको आयाम इङलिस स्कुलमा विद्याकी अधिष्ठात्री देवी सरस्वतीको पूजा आराधनासहित वसन्त श्रवण गरेर मनाईएको छ ।

प्रत्येक वर्ष माघ शुक्ल पञ्चमीका दिन मनाइने वसन्त पञ्चमी पर्वमा साना बालबालिकाहरूलाई अक्षरारम्भ गराउने चलन छ।

सरस्वतीको पूजाको दिन अक्षरारम्भ गरिए विद्या आउने विश्वास रही आएको छ।

सोमबार आयाम इङलिस स्कुलमा २४ जना साना बालबालिकाहरूलाई भर्ना गरिएको विद्यालयकी व्यवस्थापक ममिता अर्यालले जानकारी दिनुभयो । पञ्चमीकै अवसरमा बिद्यार्थीबिच नृत्य प्रतियोगिता समेत आयोजना गरिएको अर्यालले बताउनुभयो ।

विद्यालयमा यस वर्ष २४ जनाले अक्षरारम्भ गरेसँगै यस उपलब्धिले विद्यालयको शैक्षिक अभियान थप सशक्त बनेको विद्यालयका प्रधानाध्यापक आश बहादुर गुरुङले बताउनुभयो ।

दक्ष शिक्षक शिक्षिकाद्धारा मैत्रीपूर्ण वातावरणमा अध्यापन भईरहेको आयाममा हाल नृत्य कक्षा, तेक्वान्दो, स्पोटर्स कक्षा सञ्चालनमा रहेका छन् भने सुविधायुक्त कम्प्युटर ल्याव, लाईवेरी, अतिरिक्त क्रियाकलापको लागि आवश्यक सम्पूर्ण सामाग्री र दक्ष प्रशिक्षक रहेको विद्यालय सञ्चालक समितिका अध्यक्ष विकास कोइरालाले बताउनुभयो ।