आजको मौसम

हाल नेपालमा पश्चिमी न्यून चापीय प्रणालीको आंशिक प्रभाव छ।

आज देशका पहाडी भूभागमा आंशिक बदली रहने र बाँकी भू-भागको मौसम मुख्यतया सफा रहनेको मौसम पूर्वानुमान महाशाखाले जनाएको छ।

दिउँसो देशका पहाडी भू-भागमा आंशिकदेखि साधारणतया बदलीको अवस्था रहने छ। सुदूरपश्चिम र कर्णाली प्रदेशका पहाडी भू-भागको एकदुई स्थानमा आज दिउँसो हल्का वर्षाको सम्भावना रहेको महाशाखाले जनाएको छ। देशका उच्च पहाडी तथा हिमाली भू-भागका दिउँसो एकदुई स्थानमा हल्का हिमपातको सम्भावना छ।

महाशाखाका अनुसार आज राति पनि देशका पहाडी भू-भागमा आंशिक बदली रहनेछ। कोशी, गण्डकी र कर्णाली प्रदेशका उच्च पहाडी तथा हिमाली भू-भागका एकदुई स्थानमा राति हल्का हिमपातकोसमेत सम्भावना रहेको महाशाखाले जनाएको छ।