अझै केही दिन अत्यधिक गर्मी हुने

देशका मध्य तथा पश्चिम तराईमा अझै केही दिन अत्यधिक गर्मी हुने मौसम पूर्वानुमान महाशाखाले जनाएको छ ।

महाशाखाले विशेष बुलेटिन सार्वजनिक गर्दै सुदूरपश्चिम र लुम्बिनी प्रदेशका तराई भूभागमा असार २ गतेसम्म तातो हावा तथा तातो लहरको सम्भावना रहेको जनाएको छ ।

महाशाखाले सावधानी अपनाउन पनि अनुरोध गरेको छ ।चार दिनअघि भित्रिएको मनसुन पूर्वी क्षेत्रमै सीमित हुँदा देशभर गर्मी बढेको हो ।