नेपालमा पहिलो पटक महिला मुख्यसचिव,गड्तौला नियुक्त

लीलादेवी गड्तौलालाई सरकारले मुख्यसचिव नियुक्त गरेको छ ।बिहीबार बसेको मन्त्रिपरिषद बैठकले गड्तौलालाई मुख्य सचिव नियुक्त गरेको हो ।

यो सँगै गडतौला नेपालको पहिलो महिला मुख्यसचिव बन्नुभएको छ। उहाँलाई असार ३१ गतेको मन्त्रिपरिषद बैठकले कायममुकायम मुख्यसचिवको जिम्मेवारी दिएको थियो ।

त्यसअघि तत्कालीन मुख्यसचिव बैकुण्ठ अर्याल भ्रष्टाचार मुद्दामा निलम्बनमा परेपछि असार ९ गते उनलाई निमित्त मुख्यसचिवको जिम्मेवारी दिइएको थियो ।

गड्तौला भदौ १५ गतेसम्म मुख्यसचिव रहनुहुनेछ। उहाँ उमेरहदका कारण अवकाश लिदैहुनुहुन्छ ।