धादिङमा तिन वटा चितुवा मृत फेला

धादिङ- धादिङको थाक्रे गाउँपालिका वडा नं १० गढीमा तिन वटा चितुवा मृत फेला परेको छ ।

गढीस्थित अदुवाबारीमा २ वटा र मकैबारी १ वटा चितुवा मृत भेटिएको वडा नं १० का वडा अध्यक्ष गोकुल लामिछानेले बागमती कलमलाई जानकारी दिनुभयो ।

आज दिउँसो घाँस काट्न गएको बेला स्थानियले देखेर खबर गरेपछी आफुसँगै प्रहरीसहितको टोली घटनास्थलमा पुगेको वडा अध्यक्ष लामिछानेले बताउनुभयो ।

मृत अवस्थामा फेला परेको चितुवा सव-डिभिजन वन कार्यालय बैरेनीलाई बुझाइएको छ ।

चितुवा के कारणले मरेको भन्नेबारेमा यकिन नभएको र कारणबारे अनुसन्धान भइरहेको प्रहरीले जानकारी दिएको छ।