धादिङ जिल्ला अदालत वार एसोसियसनको अध्यक्षमा टंककुमार श्रेष्ठ

धादिङ । धादिङ जिल्ला अदालत वार एसोसियसनको अध्यक्षमा अधिवक्ता टंककुमार श्रेष्ठ चयन हुनुभएको छ ।

शुक्रबार सिद्धलेकमा भएको ३६ औँ साधारणसभा तथा १८ औँ अधिवेशनले श्रेष्ठको अध्यक्षतामा ९ सदस्यीय कार्यसमिति सर्वसम्मत चयन गरेको छ ।

कार्यसमितिको उपाध्यक्षमा अधिवक्ता रामचन्द्र भट्ट, सचिवमा अधिवक्ता रामकृष्ण अधिकारी, कोषाध्यक्षमा अधिवक्ता खिल गिरि र सदस्यहरु अधिवक्ता विश्वराज अधिकारी अधिवक्ता गोपि अर्याल, अधिवक्ता अम्बिका घिमिरे श्रेष्ठ, अधिवक्ता विनोदमान श्रेष्ठ, दिनेश दुवाडी चयन हुनुभएको छ ।

धादिङ जिल्ला अदालत वार एसोसियसनका निवर्तमान अध्यक्ष विश्वराज अधिकारीको अध्यक्षतामा भएको अधिवेशनमा सचिव अधिवक्ता रामचन्द्र भट्टले प्रगति प्रतिवेदन, कोषाध्यक्ष अधिवक्ता रामकृष्ण अधिकारीले आर्थिक प्रतिवेदन पेश गर्नुभएको थियो ।

धादिङ जिल्ला अदालत वार एसोसियसन १९ जना सदस्य रहेका छन् ।