माझिटार केन्द्रविन्दु भएर भूकम्प

काठमाण्डौ । सिन्धुपाल्चोकको माझिटार केन्द्रविन्दु भएर भूकम्प गएको छ ।

राष्ट्रिय भूकम्प मापन तथा अनुसन्धान केन्द्रका अनुसार दिउँसो १ बजेर २ मिनेटमा ४ दशमलव ८ म्याग्निच्युडको भूकम्प गएको हो।भूकम्पको धक्का काठमाण्डौ उपत्यकासहित वरपर महसूस भएको थियो ।

२०७२ सालको गोरखा केन्द्रविन्दु भएको भूकम्पकै पराकम्प स्वरूप आजको धक्का महसूस गरिएको राष्ट्रिय भूकम्प मापन तथा अनुसन्धान केन्द्रकी प्रवक्ता मोनिका झाले बताउनुभयो।

यसअघि पुस १६ गते बिहान ७ बजेर ५४ मिनेटमा बैतडी केन्द्रविन्दु भएर ४ दशमलव ६ म्याग्निच्युडको भूकम्प गएको थियो।

यस्तै पुस ११ गते बिहान ६ बजेर ३३ मिनेटमा जाजरकोट केन्द्रविन्दु भएर ४ दशमलव २ म्याग्निच्युडको भूकम्प गएको थियो।