शीतलहरले सवारी साधन आवागमन अवरुद्ध

बुटवल । शीतलहरले सवारी साधन आवागमन अवरुद्ध भएको छ ।

पूर्व पश्चिम राजमार्ग अन्तर्गत पश्चिम नवलपरासीको दाउन्नेमा सवारी साधन आवागमन अवरुद्ध भएको हो।

शीतलहरका कारण सडक चिप्लो भएपछि मंलबार रातिदेखि अवरुद्ध सडक सोही दिन दिउँसो केही समय एकतर्फी रुपमा सञ्चालन भए पनि गएरातिदेखि फेरि अवरुद्ध भएको हो ।

शीतलहरले कच्ची सडक हिलाम्य भएर दुर्घटनाको जोखिम बढेपछि पूर्णरुपमा सवारी आवागमन अवरुद्ध भएको जिल्ला प्रहरी कार्यालय पश्चिम नवलपरासीले जनाएको छ ।

दुवैतर्फ सवारी साधनको लामो लाइन भएपछी रातभरको जामका कारण यात्रुले सास्ती भोग्न बाध्य भएका छन् ।

ठाउँ ठाउँमा चिप्लोका कारण सवारी साधन एकआपसमा ठोक्किएका छन् । जसले गर्दा पूर्णरूपमा सवारी आवागमन सञ्चालनमा ल्याउन समय लाग्ने प्रहरीले जनाएको छ ।filephoto