गल्छीमा दुई वटा माइक्रो ठोक्कियो, १२ जना घाइते (घाईतेहरुको विवरणसहित)

धादिङ । पृथ्वी राजमार्ग अन्तरगत धादिङको गल्छी गाउँपालिका-७ भल्टारमा दुई वटा माइक्रो एकापसमा ठोक्किदा १२ जना घाइते भएका छन् ।

शुक्रबार दिउँसो लमजुङबाट काठमाडौंतर्फ आउदैँ गरेको बा ४ ख ६९४ नम्बरको बस र विपरीतदिशा तर्फबाट चितवनतर्फ जाँदै गरेको बागमती प्रदेश ०१-००६ ख ७१४१ नम्बरको माइक्रो ठोक्किदा १२ जना घाइते भएको जिल्ला प्रहरी कार्यालय धादिङका सूचना अधिकारी प्रहरी नायव उपरीक्षक सुवास हमालले जानकारी दिनुभयो ।

दुर्घटनामा परी दुबै सवारी साधनका ६/६ जना घाइते भएका प्रहरी नायव उपरीक्षक हमालले बताउनुभयो ।

घाइतेहरूमध्ये केहीलाई गल्छीस्थित अम्बे भरोसा अस्पतालमा प्रारम्भिक उपचारपछि थप उपचारका लागि ट्रमा सेन्टर काठमाडौं रिफर गरिएको छ ।

दुबै सवारी साधनका चालक पनि घाइते भएका छन् । दुबै सवारी साधन प्रहरीको नियन्त्रणमा रहेको र दुर्घटना बारे अनुसन्धान भइ रहेको प्रहरीले जनाएको छ ।

घाईतेहरुको विवरण

बा ४ ख ६९४ नं को हाईसमा सवार १५ जनामध्ये ६ जना घाईतेहरू

१.चालक लमजुङको बेशिसहर न.पा-२ बस्ने बर्ष ५७ को केशर कार्की
२.लमजुङको दोर्दि गा.पा-२ बस्ने बर्ष ४० की शुशिला थापा
३. लमजुङको दोर्दि गा.पा-२ बस्ने बर्ष ७० को रुप बहादुर थापा
४. लमजुङको बेशिशहर न.पा-८ बस्ने वर्ष ७३ की सुबिनी गुरूङ
५. लमजुङको बेशिशहर न.पा-८ बस्ने वर्ष ४१ को सन्तोष गुरुङ
६. लमजुङको बेशिशहर न.पा-११ बस्ने बर्ष ४१ की बसन्ति बिक

बाग्मति प्रदेश ०१-००६ ख ७१४१ नं को हाईसमा सवार १२ जनामध्ये ६ जना घाईतेहरु

१. धादिङको ज्वालामुखि गा.पा-३ बस्ने बर्ष ३० को बिरेन्द्र बिक
२. गोरखाको गण्डकी गा.पा-३ बस्ने बर्ष ४६ को हरिकृष्ण पन्त
३. कास्कीको पोखरा-१५ बस्ने बर्ष ४६ की बोलु कुमारी गुरूङ
४. धादिङको धुनिबेसि न.पा-५ बस्ने बर्ष ३० को एलिना राई
५. धादिङको धुनिबेसि न.पा-५ बस्ने बर्ष १२ को इशाक राई
६. कास्कीको पोखरा-३० बस्ने बर्ष ४५ को अमित थापा मगर