धादिङ प्रशासनमा अब राहदानीको अनलाइन फाराम नभरी सिधै लाइभ इनरोलमेन्टको व्यवस्था

धादिङ,३० जेठ।
जिल्ला प्रशासन कार्यालय धादिङमा राहदानीको अनलाइन फाराम नभरी सिधै लाइभ इनरोलमेन्टको व्यवस्था गरिएको छ।

प्रशासनले मंगलबार एक सूचना जारी गर्दै विद्युतिय राहदानीको फारम भर्ने कार्यमा सेवाग्राहीहरुको सहजताका लागि आगामी असार ३ गते आईतबारदेखि कार्यालयबाटै निशुल्क राहदानीको लाइभ इनरोलमेन्ट गरी सोहीदिन बायोमेट्रिक विवरण संकलन गरिने जनाएको छ ।

असार ३ गते आईतबारदेखि बिहीबारसम्म बिहान ७ बजेदेखि साँझ ६ बजेसम्म दिनमा ७० जना सेवाग्राहीको दरले र शुक्रबार बिहान ७ बजेदेखि अपरान्ह ४ बजेसम्म ५५ जनाको दरले कार्यालयमा पहिला आउने सेवाग्राहीलाई पहिले सेवा दिइने गरी व्यवस्थापन गरिएको सूचनामा भनिएको छ ।

साथै राहदानी बनाउन आउँदा गरगहनाहरु नलगाई तथा श्रृङगार नगरी आउन पनि सूचनामार्फत अनुरोध गरिएको छ । प्रशासनले नै निःशुल्क फारम भर्ने व्यवस्था गरेपछी सेवाग्राहीलाई केही राहत मिल्ने प्रमुख जिल्ला अधिकारी बद्रीनाथ गैह्रेले बताउनुभयो ।