७८ वर्षयताकै धेरै वर्षा

सुदूरपश्चिम प्रदेशको कञ्चनपुरमा सर्वाधिक पानी परेको छ ।नेपालमा वर्षा मापन शुरु भएको ७८ वर्षको अवधिमा अहिलेसम्मकै धेरै वर्षा भएको जल तथा मौसम विज्ञान विभागले जनाएको छ।

आइतवार र सोमवार कञ्चनपुरको दोधारा, हनुमान नगर र सुन्दरपुरमा २००३ सालयताकै सर्वाधिक वर्षा भएको पाइएको हो।

अस्ति सोमवार विहान पौने ९ बजे मापन गरिएको प्रारम्भिक तथ्याङ्कअनुसार २४ घण्टाको अवधिमा दोधारामा ६ सय २४ मिलिमिटर, हनुमान नगरमा ५ सय ७३ दशमलव ६ मिलिमिटर तथा सुन्दरपुरमा ५ सय ५५ दशमलव ८ मिलिमिटर वर्षा भएको विभागले जनाएको छ ।

यस वर्ष गएको जेठ २८ गतेदेखि पूर्वी नेपालबाट शुरु भएको मनसुनको प्रभाव असार १४ गतदेखि असार २४ गतेसम्म सक्रिय भएको थियो ।