विदेशी मुद्रासहित नुर्पु तामाङ पक्राउ

गैरकानुनी ढङ्गले विदेशी मुद्रा चीनको स्वशासित क्षेत्र तिब्बततर्फ लैजान लागेको अवस्थामा रसुवागढी नाकाबाट एकजना पक्राउ परेका छन् ।

रसुवाको आमाछोदिङ्मो गाउँपालिका-५ पाजुङका २२ वर्षीय नुर्पु तामाङलाई दुई सय डलरसहित पक्राउ गरिएको जिल्ला प्रहरी प्रमुख केशव भट्टराईले बताउनुभयो ।

भन्सार कर्मचारी, नेपाल प्रहरी र सशस्त्र प्रहरी बलको संयुक्त गस्ती टोलीले निजलाई पक्राउ गरेको जनाइएको छ ।