अबको तीन दिनको मौसम कस्तो ?

अबको तीन दिन रातिको समयमा धेरै वर्षा हुने जल तथा मौसम पूर्वानुमान महाशाखाले जनाएको छ।महाशाखाले बाढीपहिरोजस्ता मनसुनजन्य घटना बढ्नसक्ने तर्फ सतर्कता अपनाउन अनुरोध गरेको छ ।

अहिले देशभर मनसुनी वायुको प्रभाव रहेको र मनसुनको न्यूनचापीय रेखा सरदर स्थानको आसपास रहेका विभिन्न ठाउँमा अति ठूलो वर्षा हुने सम्भावना रहेको मौसमविद् सञ्जिव अधिकारीले जानकारी दिनुभयो ।

उहाँकाअनुसार कोशी, बाग्मती, गण्डकी, लुम्बिनी र सुदूरपश्चिम प्रदेशका थोरै ठाउँमा तथा बाँकी प्रदेशका एक–दुई ठाउँमा तीन दिनसम्म ठूलोदेखि अति ठूलो वर्षाको सम्भावना रहेको छ ।