३३ किलो गाँजासहित धादिङकी सुनिता र मकवानपुरका बिनोद पक्राउ

धादिङ । मकवानपुरको हेटौंडा उपमहानगरपालिका-१५ रातोमाटे चेक प्वाइन्टबाट अवैध लागूऔषध गाँजासहित २ जना पक्राउ परेका छन् ।

पक्राउ पर्नेहरूमा हेटौंडा उपमहानगरपालिका-१३ बनस्पती बस्ने धादिङ गजुरी गाउँपालिका-४ घर भएकी ४६ वर्षीया सुनिता तामाङ र हेटौंडा उपमहानगरपालिका-५ सानोपोखरा बस्ने ३४ वर्षीय बिनोद सेवा रहेका छन् ।

प्रहरी चौकी रातोमाटेबाट खटिएको प्रहरीले बिहीबार बिहान हेटौंडाबाट पथलैयातर्फ जाँदै गरेको बा-प्र-०३-००१ च २११६ नम्बरको स्कारपियो गाडीलाई जाँच गर्ने क्रममा गाडीमा लुकाई छिपाई राखेको करिब ३३ किलोग्राम गाँजा फेला पारी पक्राउ गरिएको प्रहरीले जनाएको छ ।

यस सम्बन्धमा प्रहरीले आवश्यक अनुसन्धान गरिरहेको जनाएको छ।