आफैंले चलाएको गोली लागेर धादिङका सुदीपको मृत्यु

धादिङ । आफैंले चलाएको गोली लागेर नवलपरासीको बर्दघाट सुस्तापूर्वमा कार्यरत नेपाली सेनाका एक जवानको मृत्यु भएको छ ।

धादिङको गल्छी गाउँपालिका–४ घर भई कावासोती नगरपालिका–७ बाँदर झुलामा रहेको नयाँ गोरख गण ‘ख’ गुल्म अमलटारी सेक्टर बाँदर झुला पोस्टमा कार्यरत नेपाली सेनाका जवान २२ वर्षीय सुदीप मिजारको मृत्यु भएको जिल्ला प्रहरी कार्यालय नवलपरासी बर्दघाट सुस्तापूर्वका प्रहरी नायव उपरीक्षक वेदबहादुर पौडेलले जानकारी दिनुभयो।

श्री गोरखगण कसरा चितवन दरबन्दी भई हाल नयाँ गोरख गण ‘ख’ गुल्म अमलटारी बाँदर झुला पोस्टमा कार्यरत रहेका मिजारले आज दिउँसो कोत घरमा रहेको ५ दशमलव ५६ एमएमको मिनी गनले आफैँले आफ्नो घाँटीमा गोली प्रहार गरेको पाइएको प्रहरी नायव उपरीक्षक पौडेलले बताउनुभयो ।

घटनाबारे जानकारी पाउन साथ जिल्ला प्रहरी कार्यालयको टोली घटनास्थलमा पुगेको र घटनाबारे अनुसन्धान सुरु गरेको उहाँको भनाई छ।