धादिङ माइक्रो दुर्घटना: घाइते एक जनाको उपचारको क्रममा मृत्यु,नौ घाइते(अपडेट)

धादिङ। पृथ्वीराजमार्ग अन्तर्गत धादिङको गजुरी गाउँपालिका-५ पोखरेखोलामा गुडिरहेको माइक्रो बसमाथि रुख खस्दा घाईते भएका एक जनाको उपचारको क्रममा मृत्यु भएको छ ।

मृत्यु हुनेमा रुविभ्याली गाउँपालिका-१ का ७२ वर्षिय निर्माण तामाङ रहेको जिल्ला प्रहरी कार्यालय धादिङका प्रहरी नायव उपरिक्षक मकेन्द्र कुमार मिश्रले जानकारी जानकारी दिनुभयो ।

तामाङको काठमाण्डौंस्थित विर अस्पताल उपचारको क्रममा मृत्यु भएको प्रहरी नायव उपरिक्षक मिश्रले बागमती कलमलाई बताउनुभयो ।

सोमबार धादिङबेंसीबाट काठमाडौं जाँदै गरेको बागमती प्रदेश ०१–००६ ख ६५१२ नम्बरको ईभी माइक्रो बस माथि पहिरोसँगै रुख ढलेर बजारिदा १० जना यात्रु भएका थिए ।

घाईतेमध्ये निलकण्ठ नगरपालिका-३ पुछार बजार बस्ने बर्ष २६ की निन्दु शाहा र शान्तबजार बस्ने वर्ष ३१ की सुनिता घिमिरेको काठमाण्डौंमा उपचार भईरहेको छ भने अन्य घाईतेहरु उपचार पछि घर फर्किएको प्रहरी नायव उपरिक्षक मिश्रले बताउनुभयोे।

डिस्चार्ज भएका घाईतेहरुमा नीलकण्ठ-४ बस्ने बर्ष ५० को शिवराज अधीकारी,नीलकण्ठ-३ बस्ने बर्ष ४० को रमेश अधिकारी,बर्ष ३५ को डिल बहादुर गुरुङ, खनियाबास-४ खट्करी बस्ने बर्ष २६ की उर्मिला थापा मगर,नेत्रावती डवजोङ-४ बस्ने बर्ष २२ को सन्जु भुसाल,ज्वालामुखी-६ बस्ने बर्ष ३८ को दिनेश तिमिल्सिना र मुगु जिल्लाको रारा न.पा-३ बस्ने बर्ष २२ को गंगाराम चौलागाई रहेको मिश्रले बताउनुभयोे ।