सडक किनारमा रहेका वासिङ सेन्टर हटाउन नगरपालिकाको अनुरोध

धादिङ । नीलकण्ठ नगरपालिकाले बजार क्षेत्र भित्रका सडक किनारमा रहेका वासिङ सेन्टर हटाउन अनुरोध गरेको छ ।

नगरपालिकाले आईतबार एक सूचना जारी गर्दै धादिङबेसी बजार सडक किनारमा रहेका वासिङ सेन्टरहरु ७ दिन भित्र हटाउन सम्बन्धितलाई आग्रह गरेको हो ।

साउन ११ गते सरोकारवालाहरुको सहभागितामा वसेको बैठकले बजारको सडक किनारमा रहेका वासिङ सेन्टरहरु हटाउने निर्णय गरेको भन्दै सूचना प्रकाशन भएको मितिले सात दिनभित्र धादिङवेसी बजारको सडक किनारमा रहेका वासिङ सेन्टर हटाउनुहुन/व्यवस्थापन गर्न सम्बन्धित सबैको जानकारी तथा निर्णय कार्यान्वयनार्थ यो सूचना प्रकाशन गरिएको छ,सूचनामा भनिएको छ।