डेङ्गी सङ्क्रमणबाट एक जनाको मृत्यु

डेङ्गी सङ्क्रमणबाट एक जनाको मृत्यु भएको छ।

संक्रमणका कारण तनहुँका ५० वर्षीय एक पुरुषको ज्यान गएको स्वास्थ्य सेवा विभाग, इपिडिमियोलोजी तथा रोग नियन्त्रण महाशाखाले जनाएको छ ।यो वर्ष २ हजार ३ सय ६५ जनामा सङ्क्रमण देखिएको छ ।

ज्यान गएको घटना भने यो पहिलो हो ।नेपालमा ७७ जिल्लामध्ये अहिलेसम्म ७३ वटा जिल्लामा डेङ्गी सङ्क्रमण फैलिसकेको छ।

मुस्ताङ, डोल्पा, जुम्ला र हुम्लाबाहेक सबै जिल्लामा डेङ्गीको सङ्क्रमण फैलिएको महाशाखाले जनाएको छ ।