धादिङका रण बहादुर तामाङ ३ किलो ५० ग्राम गाँजासहित पक्राउ

धादिङ । कास्कीको पोखरा महानगरपालिका-३२ मझुवाबाट अवैध लागूऔषध गाँजासहित एक जना पक्राउ परेका छन् ।

पक्राउ पर्नेमा धादिङको गल्छी गाउँपालिका-७ बैरेनी बस्ने ५० वर्षीय रण बहादुर तामाङ रहेका छन् ।

शनिबार दिउँसो वडा प्रहरी कार्यालय गगनगौंडाबाट खटिएको प्रहरीले काठमाडौंबाट पोखरातर्फ जाँदै गरेको बा २ ख ४१५४ नम्बरको हाईसलाई जाँच गर्ने क्रममा हाईसमा सवार तामाङलाई करिब ३ किलो ५० ग्राम गाँजा सहित पक्राउ गरेको प्रहरीले जनाएको छ।

यस सम्बन्धमा प्रहरीले आवश्यक अनुसन्धान गरिरहेको प्रहरीले जनाएको छ।