नेपालमा पहिलो पटक भलिबल लिग हुने,लोगो र नारा सार्वजनिक

काठमाण्डौ । नेपालमा पहिलोपटक हुन लागेको नेपाल भलिबल लिगको लोगो र नारा सार्वजनिक भएको छ ।

आउने फागुनमा हुने नेपाल भलिबल लिगको मंगलबार एक कार्यक्रमका बिच युवा तथा खेलकुदमन्त्री तेजुलाल चौधरी र आयोजक केडिया ग्रुपका अध्यक्ष विमल केडियाले संयुक्त रुपमा राष्ट्रको झण्डा झल्किएको लोगो र ‘उचाइको नयाँ उडान’ नाराको सार्वजनिक गर्नुभएको हो।

लिगमा विभिन्न ६ टोलीको सहभागिता रहने केडिया ग्रुपका प्रमुख कार्यकारी अधिकृत अश्विन केडियाले जानकारी दिनुभयो।

प्रतियोगिता सञ्चालनको मिति र टोली भने चाँडै सार्वजनिक गरिने आयोजकले जनाएको छ ।

पुरुष भलिबलको फ्रेन्चाइज लिगका लागि नेपाल भलिबल सङ्घ र केडिया ग्रुपबीच यसअघि नै ७ वर्षका लागि सम्झौता भएको थियो।