धादिङ अस्पतालको सञ्चालन तथा व्यवस्थापन समिति अध्यक्षमा राधिका सापकोटा

धादिङ । सदरमुकाम धादिङबेशीमा रहेको धादिङ अस्पताल, धादिङको सञ्चालन तथा व्यवस्थापन समितिको अध्यक्षमा राधिका सापकोटालाई मनोनित गरिएको छ।

सापकोटालाई बागमती प्रदेश स्वास्थ्य मन्त्रालयको मन्त्रीस्तरको निर्णयबाट सञ्चालन तथा व्यवस्थापन समितिको अध्यक्षमा मनोनित गरिएको हो।

मिति २०८१।०९।०७ को निर्णयानुसार सापकोलाईलाई अध्यक्ष पदमा मनोनित गरिएको मन्त्रालयद्वारा जारी सूचनामा जनाइएको छ।

अध्यक्षमा नियुक्त भएपछी सापकोटाले धादिङ अस्पतालले प्रवाह गर्ने सेवालाई विस्तार तथा थप प्रभावकारी बनाउने बताउनुभएको छ।

पछिल्लो समय धादिङ अस्पतालमा विशेषज्ञसहितको सेवाहरु प्रवाह भइ रहेका छन् । अस्पतालले सेवा विस्तार तथा प्रविधिको क्षेत्रमा फड्को मारेको छ ।

मानव अधिकार तथा महिला अधिकारको क्षेत्रमा काम गर्दै आउनुभएको सापकोटा नेकपा एमाले धादिङका सचिव एवम सहयात्री समाज नेपालका कार्यकारी निर्देशक हुनुहुन्छ।