धादिङमा शैक्षिक सामाग्री प्रदर्शनी,पासाङचोक मावि प्रथम

धादिङ । धादिङमा माध्यमिक विद्यालय स्तरीय शैक्षिक सामाग्री प्रदर्शनी गरिएको छ ।

शुक्रबार धादिङबेशीको नीलकण्ठ माध्यमिक विद्यालयमा भएको शैक्षिक सामाग्री प्रदर्शनीमा गंगाजमुना गाउँपालिकाको पासाङचोक माध्यामिक विद्यालय प्रथम भएको छ ।

पासाङचोकको कक्षा १० मा अध्यायनरत श्रेया तामाङ र पल्छिन तामाङले हाईड्रोलिक लिफ्ट र स्थानीय पुराना सामाग्री प्रदर्शनी गरेका थिए ।

यस्तै प्रदशनीमा नीलकण्ठ मावि द्वितिय, महेन्द्र बाराही मावि तृतिय र सल्यानटारको रानीपौवा मावि सान्त्वना भएको छ।

प्रदर्शनीमा जिल्लाका १२ पालिकाका बिभिन्न विद्यालय सहभागी थिए ।

प्रदर्शनीमा प्रथम, द्वितिय र तृतिय हुने विद्यालयलाई र सहभागी विद्यालयलाई पुरस्कार तथा तथा प्रमाणपत्र प्रदान गरिएको थियो।