सन् २०२४ : साढे ११ लाख विदेशी पर्यटकले नेपाल भ्रमण गरे

काठमाडौँ । सन् २०२४ मा नेपालमा साढे ११ लाख विदेशी पर्यटकले भ्रमण गरेका छन् ।

गत वर्षको जनवरीदेखि डिसेम्बर महिनासम्म ११ लाख ४७ हजार पाँच सय ६७ पर्यटक नेपाल भ्रमणमा आएका नेपाल पर्यटन बोर्डको तथ्याङ्कमा उल्लेख छ ।

सन् २०२३ को तुलनामा सन् २०२४ मा १४ प्रतिशतभन्दा बढी पर्यटक आगमन बढेको बोर्डले जनाएको छ । सन् २०२३ मा १० लाख १४ हजार आठ सय ७१ विदेशी पर्यटकले नेपाल भ्रमण गरेका थिए ।

बोर्डले सन् २०२४ मा कोरोना महामारीपूर्व सन् २०१९ मा आएका पर्यटकभन्दा बढी आउने अनुमान गरेको थियो । सन् २०१९ मा ११ लाख ९७ हजार एक सय ९१ विदेशी पर्यटक नेपाल आएका थिए ।

विदेशी पर्यटक आगमनको यो आँकडाले कोभिड–१९ महामारीका कारण शिथिल भएको मुलुकको पर्यटन क्षेत्र लयमा फर्किएको छ । filephoto