जागिरको प्रलोभनमा अनलाइन ठगी बढ्दै

काठमाण्डौ । जागिरको प्रलोभनमा अनलाइन ठगी बढेको छ ।ठगी बढेको भन्दै नेपाल प्रहरीको साइबर ब्युरोले सचेत रहन आग्रह गरेको छ।

बुधबार ब्युरोले एक विज्ञप्ति निकालेर अनलाइन जागिरको आवरणमा फेसबुक, इन्स्टाग्राम, टेलिग्राम, ह्वाट्सएप, म्यासेन्जर, भाइबरलगायत प्लेटर्फमबाट लिङ्कहरू पठाएर ठगी हुने गरेका घटनाहरू बढेका बताएको छ ।

यस्तै ईसेवा, खल्तीजस्ता वालेट तथा बैंकिङ/वित्तीय संस्थाबाट बोलेको भनेर ओटीपी मागी रकम ट्रान्सफर गर्नेसम्मका घटनाहरू वृद्धि भएको ब्युरोका प्रहरी उपरीक्षक (एसपी) दीपकराज अवस्थीले निकाल्नुभएको विज्ञप्तिमा उल्लेख छ ।