अमेरिका पठाइदिने भन्दै ५९ लाखभन्दा धेरै ठगी : गोरखाका दुई जना पक्राउ

काठमाण्डौ । अमेरिका पठाइदिने भन्दै ठगी गरी फरार रहेका दुई जना पक्राउ परेका छन् ।

पक्राउ पर्नेमा गोरखाको गण्डकी गाउँपालिका-२ घर भई चितवनको भरतपुर उपमहानगरपालिका-१० बस्ने ४३ वर्षीय कुलबहादुर थापा र गोरखाकै गण्डकी गाउँपालिका-२ घर भई काठमाण्डौको नागार्जुन बस्ने ३१ वर्षीय राजन आले रहेकाकाठमाण्डौ उपत्यका अपराध अनुसन्धान कार्यालयले जनाएको छ ।

कुलबहादुर र राजनले बेरोजगार युवायुवतीहरूलाई आकर्षक तलबको प्रलोभनमा पारी अमेरिका पठाइदिने भन्दै ५९ लाख २५ हजार रुपैयाँ ठगी गरेका र उनीहरूलाई काठमाण्डौ महानगरपालिका-९ सिनामङ्गलबाट पक्राउ गरी ठगी कसूरमा अनुसन्धान तथा कारबाहीका लागि जिल्ला प्रहरी परिसर काठमाण्डौ पठाइएको कार्यालयका प्रहरी उपरीक्षक एवम् सूचना अधिकारी काजीकुमार आचार्यले बताउनुभयो ।