धादिङबेसीका स्थानीयलाई कौशी खेती तालिम सञ्चालन

धादिङ । सदरमुकाम धादिङबेसीका स्थानीयलाई कौशी खेती तालिम सञ्चालन गरिएको छ।

नीलकण्ठ नगरपालिका वडा नम्बर ३ को आयोजना तथा नीलकण्ठ नगरपालिका कृषि शाखाको समन्वयमा विहीबारदेखि तालिम सुरु भएको हो ।

दुई दिने तालिम आज पनि सञ्चालन हुने छ ।

घरको छत प्रयोग गरि ताजा तथा स्वस्थकर तरकारी उत्पादन गर्ने उद्देश्यले तालिमको आयोजना गरिएको नीलकण्ठ नगरपालिका वडा नं ३ का वडाअध्यक्ष राजकुमार श्रेष्ठले जानकारी दिनुभयो ।

तालिममा वडा नम्बर ३ धादिङबेसीका ४४ जना स्थानीयहरु सहभागी छन् ।

यो कार्यक्रम खेतीपाती गर्ने जग्गाजमिन नभएकाहरुका लागि भएको र आफ्नै छतमा विषादीरहित स्वस्थकर तरकारी फलाउने र तरकारीमा हुने खर्च न्यूनिकरण गर्नेे तालिमको उद्देश्य रहेको बताउनुभयो ।

तालिममा सहभागीहरुलाई तालिम पश्चात कौशी खेतीका लागि आवश्यक सर सामान पनि वितरण गरिने वडा सदस्य सन्तोष थापाले बताउनुभयो। तस्विरःअर्जुन श्रेष्ठ